fredag 20. mars 2009

Tweedterrier

Eg hadde ei gamal tweedbukse som eg likte veldig godt, og den blei tilsvarande mykje brukt. Tilslutt var den altfor sliten og nuppete, og eg måtte tenke nytt. Innsida av stoffet var stort sett like fint, og det slo meg at det måtte vere perfekt for ein terrier!

Det er nok sånn at mi gjenforening med symaskin og strikkepinnar heng tett saman med at eg fekk barn for snart to år sidan. Mykje av det eg lagar er til dotter mi eller andre små i nærleiken. Nyleg kom eg over boka Sy myke dyr av Karin Neuschütz og då var det gjort; no er eg hekta på små pusekattar, revar, kaninar og esel. Boka er full av lettfattelege mønster til relativt naturtro fine tøydyr, her er alt frå røyskatt til sjiraff til selunge. Du kan lage eit heilt fjøs også om du vil; kyr (med jur!), kalvar, hestar, esel, grisar og grisungar. No har eg altså begynt med ein terrier, og eg kjenner på meg at det blir fleire snart...


2 kommentarer:

  1. Så mye fint du syr! Denne karen var jo bare knus-bedårende! Her har favorittbuksa fått tilnærmet evig liv ;-)
    Jeg fant bloggen din via Pickles, og tror det er første gang jeg er innom her. Koselig blogg.
    Ha en fin, fin dag :-)
    Pludrehanneklem

    SvarSlett
  2. Kanonstilig hund, jeg tror sannelig jeg må kjøpe meg en ny bok!

    SvarSlett